خیبرایجنسی (مانیٹرنگ ڈیسک)پولیس اور سکیورٹی اہل کاروں کی فائرنگ سے انتہائی مطلوب دہشت گرد ہلاک ہوگیا۔سی ٹی ڈی ذرائع کے مطابق 25 اپریل کو خیبر میں فورسز کے ایک آپریشن میں فائرنگ کے دوران انتہائی مطلوب دہشت گرد عظمت ہلاک ہوا۔
ہلاک دہشت گرد نے جمرود میں دینی مدارس کے 4 طلبہ کو اغوا کیا تھا اور انہیں کالعدم تنظیم میں شامل ہونےکی ترغیب دی تھی۔ دہشت گرد نے چاروں طلبہ کو افغانستان منتقل کیا، جن میں سے 2 کو افغانستان ہی میں دہشت گردی کی تربیت دی جا رہی ہے۔
ذرائع کے مطابق ایک طالب علم کو افغانستان سے واپسی پر گرفتار کرلیا گیا تھا۔ ہلاک دہشت گرد عظمت کےسر کی قیمت لاکھوں میں مقرر تھی۔
